ئازادی

ئازادی

ئازادی رۆناھییە

ژزنجیران جوداھییە

مە ھەمیا ئەو داخووازە

مللەت پێ سەرفەرازە

×××

بەھایێ وێ گرانە

خووینا جانێ گەنجانە

ژبۆ ئازادییا ژاران

خووین تێتە خووار وەك باران

×××

یا بویە جۆك و جۆبار

ناڤباغچادا تێتە خووار

یا بخووینێ تێتە ئاڤدان

دارا ئەڤین و ژییان

×××

بویە نیشان و ئالا

ل ڤێتنام و ئەنگۆلا

كۆبا تویی جەگەرخووین

ڕۆژێن گران بونە ژین

×××

زانین و بیر و باوەر

ئەم ھەمی دێبین پەروەر

كاروان مایە لھیڤیا مە

رێك و رێباز دانە مە

×××

گەلۆ بۆچی پاشڤە ماین

ما ئازادیخوواز نەمان؟!!

لبەرخووە بدە بۆ ژییان

وار نەمینت بێ خودان

×××

نەخووەشییا چەند سالان

رابن دەركن ڤان دەردان

چەند پیسەكێن قرێژی

وان نەھێلن ھێشتا زووی

×××

بەنگین سولیڤانی

سێمێل 01.14-1984