تویی گولنەسرین
دەلالێ بەژنا تە ژ تاكێ ھەلالێ
ئەو چ كراسە ل وێ بەژن وبالێ
تنێ تویی دلێ مندا گولنەسرین
خودانا چاڤێن رەش گەردەن ب خالێ
×××
گەردەنا تە یا مەرمەر وپر دەلال
ئەزم ژێرە دیل ورەبەن تا ئەڤ سال
تویی خودانا وان رویێت ھناری
ھێرڤە بینە كوشتییێ تە مە شەپال
×××
نازدارێ دابچین ناڤ مێرگ وچییا
دەست بدەستان دابگەھین خۆشییا
ئەز وتوینە دو گولێن ژنوی بوشكفتین
بلبلێن چاڤ ل ئۆمێد وھیڤییا
×××
وەرە دەرنەكەڤە ژ ناڤ باخچێ ژینێ
كویڤی نەبە بەختێ تەمە شرینێ
دێ بەسە بەسە خودانا لێڤێن جوان
وەرە دا بدەین رێ كاروانێ ڤینێ
×××
بێریڤانا نازك ل ھویڤیا مەیە
زینا ئەڤیندار چاڤ ل رێیا مەیە
ھات دەمێ ڤەگوھاستنا زەرییێ
رابە گولێ دەنگێ زرنێیا مەیە
×××
بەنگین سولیڤانی
سێمێل 11.04-1985
بویە ستران ب دەنگێ ھۆنەرمەند حەسەن شەریف ل سالا 1985ێ
