پێشمەرگە

 پێشمەرگە

ئەی لاوێ مە..

یێ پێشمەرگە

گۆریكەرێ تم رەنجكێشان

دیرۆكا تە

یا ب زەنگە

قەد بەرزەنابیتن ئەزمان

<<<>>> 

ئەڤ ناڤێ تە

پڕ شرینە

پێشمەرگەیێ رۆژێن گران

ئەڤ نەقشێ تە

پڕ زێرینە

بلبلێ من ھەی ئەز حەیران

<<<>>> 

گەلەك ھشیار

ئو خوە ڕاگر

ھەر سۆزدارێ دۆزا وەڵات

ھۆ ڕێڤینگێ

ھەر ب دەزگر

تۆی ئەڤیندارێ دەشت ولات

<<<>>> 

تە ئەڤرۆكە

جەنگ كرە بەر

ئەی رۆناھیا ڤان چاڤان

توی كلیلا

دەرگەھێ مە

ھۆ خەباتگێرێ كوردستان

<<<>>> 

تو یی شێرێ

چیایێن مە

تە پیرۆزبیتن تم ئەو ڕاڤ

نێ ھەر تویی

ئەڤ بەرخوەدان

ئۆمێدا ل سە سەر وچاڤ

<<<>>> 

ئازادیێ

تم د خوازی

تویی یێ دژی زولم و زۆر

ھەردەم تو یێ

سەرفەرازی

ژ رەنگێ تە یە گولا سور

<<<>>> 

بەنگین سولیڤانی

10.12.1988 كامپا قزلتەپە/ مێردین/ باكورێ كوردستانێ