پەریا من
پەریا من
ئەڤینا تە
سۆرگولا جان
نەپەنییەد ناڤ دلێ من دە،
ئەڤینا تە
گوریە د ناڤ جانێ من دە
ئەڤینا تە
قێریە د ناڤ مەرگێ من دە
لێ ئەز نەشێم دەرنەئێخم
ڤێ نھێنیێ
ڤێ گوریێ
ڤێ قێریێ
ژ ئەڤینا تە
ژ یەك ئاورێن چاڤا
كەفت دلێ من ئەڤینا تە
لێ ئەڤرۆكە
ئەڤینا تە
خانما من
پیرھەڤۆكا
د ڤییان لمن بكن ژەھرەمار
ھەر وەلێ تە ل من بكن نەیار
وان نەدزانی
ئەڤینا مە
رۆژا گەشە
ئەورێن تاری
ژ ھەڤ د قەتینت
ژینا نوژەن
لمە د زڤرینت
لمە د زڤرینت.
بەنگین سولیڤانی
09.12،1984 سێمێل – كوردستان
