ڤەگوھازتن

ڤەگوھازتن

ئێڤار بو نازەنینا من

تو ژمن بری

تو رەڤاندی

رۆژا رۆنی خوە دا خوارێ

ئەڤ چ ئەورە

ھۆ یێ گران

بویە باران

بویە بەفر

ئەڤ دیوارێ ئەز ل بەردە

چ بو نەیار

دوژمنەك ھار

زۆرداری بو شێرینا من

تو ژی بری

وێران كری

مالخوێ مالێ تو فرۆتی

بوھارا من

چاڤ رەشا من

خوینا تە ھەر تێتە مێتن

ئەز بەندەوار

شێرین بێوار.

شێرینا من لتە بازارە

لمن ھاوارە

دل ب داخە

جان ب كولە

ژین پر خەمە

ئیرۆ فرۆتی ب دەراڤ

دەربەدەر مام

شێرینا من

ڤەگوھازتن تۆرینا من

ژ من ستاندن

وارێ ڤینا من

وارێ ژینا من

06.10.1984 سێمێل – كوردستان

بەنگین سولیڤانی