گوندێ من
گوندێ من چەند شرینە
دەور وبەر لێ كانینە
زۆزانە وفەراشینە
وەك وێ نین دلڤەكەر
***
گوندێ من سەیرانگەھە
بۆ ئەڤینێ فێرگەھە
بۆ خەباتێ بنگەھە
تەڤدە كاركەرن رێنجبەر
***
گوندێ من گەلەك ڕندی
سیپانێ تم بلندی
خەچۆك سییامەندی
تو بەھشتی سەرانسەر
***
وەلاتێ من چووار دیوار
دەرگێ ئاسن وسێدار
دوژمنا دلێ تە خووار
ب دەراڤ كرین تەڤ دەر
***
تەناھێلین بێخودان
رەز وباخ ودارستان
دەستێن پیسێن نەیاران
ناھێلین ل چو دەڤەر
***
وارێ ژییان وڤینێ
وەرن دا ئەم بچینێ
سەیرانا خووەشكن ژینێ
كەسك وسپی وسۆر وزەر
***
بەنگین سولیڤانی
18.02-1984 سێمێل / كوردستان
