گەلۆ كیە یێ نەزان؟

گەلۆ كیە یێ نەزان

ھندەك ھەنە كۆلەدەر

مەژی ھشكن وەكی بەر

دل سار و سەر گەرمن ھەر

                               گەلۆ كیە یێ نەزان؟!

<<<>>> 

سەرسەرینە ب سەرگۆش

دل گەمارن پڕ نەخۆش

ھەر ئەون یێن گولفرۆش

                               گەلۆ كیە بێ وژدان؟! 

<<<>>> 

ب لغاڤ و ب كورتان

د حڕن وەكی كەران

سەرمەستن خوەلی سەران

                           گەلۆ كیە یێ نەزان؟!

<<<>>> 

سەرسەركی د چن كەڤران

دەما ڕابین سەرپیان

لێنینن زانایێن ڕیا

                            گەلۆ كیە بێ وژدان؟!

<<<>>> 

پڕ سڤكبوم ل گەل وان

خزمەتكاربوم ھەر بۆ وان

دلڤینبوم بۆ دۆزا وان

                             گەلۆ كیە یێ نەزان؟!

<<<>>> 

من دایە وان ڕۆناھی

لجھێ شینێ بكن شاھی

دا پەیدابكن تەناھی

                             گەلۆ كیە بێ وژدان؟!

<<<>>> 

من دڤیا بژین وەك ھەڤی

تەڤ خودان ماف و زەڤی

دەربازبن ژدەڤێ ھۆڤی

                            گەلۆ كیە یێ نەزان؟!

<<<>>> 

بەنگین سولیڤانی

12.12.1989 ئامەد (دیاربەكر)