Dê zivirim

Dê zivirim

Ez Rêvîngim

Dê şeqînim rêka dirêj

Ez Rêvîngê

Xwastina bejna Zeynê me

Bila lpêşya min de hebin

Çwar kelemok

Xem pê nîne

Dê dime ser

Çunke ji rihêt

Xwînê

Ez dê avdim lêvên Zeynê

Hemî rêka dê kime ker

Xem pê nîne kêste û nişter

Dê dime ser

Dê dime ser

Ez Rêvîngim

Çi lrojhelat û RojAva

Çi li Jêr û

Çi ber bi Jor

Min daye rê

Kihêla boz

Çu pesar lê nabin aloz

Rêvîngê pêlêt pêlanim

Nêzîke dem

Dê zivirim

Bîke (Buke) Zeynê

Dê pişkurim

Zeyno şirîna dilê min

Hemî bi te dil vekerin

Ew demê te

Bi xemlînim û bi xwazim

Keyf û şahî û aştîye

Li ber dergehê tev malan

Ronahîye

Azadîye

Perçema te bilind dikim

Zeyneba min

Roje, seyrane û xweşîye

Ez rêvîngim

Dê zivirim

Bi xwîna xwe

Dê te kirim

Bi serbestî

Dê ramûsim Wan lêvên te

Her û her ez Dê zivirim

Dê zivirim

Dê zivirim

XXXXX

13.10-1984 Sêmêl

Bengîn Sulivani