Şeva Şevan

Şeva Şevan

Şeva şevan

Reşe ewran

Oyîn lêkdan

Ji bo tevnê par û pêrar

Bo lêda…

Heyva rona

Ronak dibît

Hilm û têhnê

Jê brevînin

Lher çuwar ruwîya

Lêbkin ferman

Şeva şevan…

Da btenahî bi xuwe bgêrin

Ewî aşê

Çep û çîran

Ba û bahur û gujloka

Têkda buye

Serm û seqa

Darêjin nav gulîstanan

Gul û gulçîç

Belg û pişkoj

Jgulîstanan bi werînin

Daweşînin

Lêbkin tofan

Şeva şevan

Heyva geşa perîşanan

Bînahya çavên hejaran

Şev sêzdeye

Berew çardê

Kêferatkir

Xuwe jbin perên moranê

Derbînit der

Da bgirnijît yara çav zer

Tirîva wê

hêdî hêdî

xuwe berda nav reşe ewran

bdengê dijwar

kire fîxan

kuyve dê borînin zêmar

dê lkê kine girî û ferman

lkîj baxçîda

gijloka şêt

dê kin dîyar

lser rahêlin mij û moran

ezim heyva dilîstanan

hurmîna we

dê birhînim

hevbendî lgel roja rojan

dê leylanê

zivirînim

dîyarîme bo dildaran

heyva geşa perîşanan

bînahya çavên hejaran

Bînahya çavên hejaran.

XXXXX

Sêmêl / Kurdistan 27.01–1985

Li govara Pale jimare yek -1- li Ormîyê / Rojhelatê Kurdistanê sala 1987ê derçuye û li nav çendan ahingên Neteweyî da hatîye pêşkêşkirin.

Bengîn Sulivani